БИДНИЙ ҮНЭТ ЗҮЙЛ 7 ЗАРЧИМ
ЭНЭРЭНГҮЙ БАЙХ
Олон улсын Улаан загалмай, Улаан хавирган сар хөдөлгөөний хүмүүнлэгийн үйл ажиллагаа нь тулалдааны талбарт шархдагсдад ялгаварлалгүйгээр тусламж үзүүлэх, олон улсын болон үндэсний хэмжээнд хаана ч болов хүнийг зовлон зүдгүүрээс урьдчилан сэргийлэх, хуваалцан хөнгөвчлөх чин хүслээр туслах явдал юм.
ШУДАРГА БАЙХ
Нийгэмлэг нь хүнийг яс үндэс, арьс өнгө, шашин шүтлэг, нийгмийн давхарга, улс төрийн үзэл бодлоор ялгаварлан гадуурхахгүй. Хувь хүний зовлонг нимгэлж, гагцхүү тэдний хэрэгцээнд тулгуурлах бөгөөд хамгийн хүнд нөхцөлд байгаа хүмүүст эн тэргүүнд анхаарал тавина.
ТӨВИЙГ САХИХ
Олны итгэл найдварыг хүлээхийн тулд Хөдөлгөөн нь сөргөлдсөн талуудын аль нэг талыг баримтлахгүй байх бөгөөд ямар ч үед улс төр, арьс өнгө, шашин, үзэл бодлын шинж чанартай сөргөлдөөнд орж болохгүй.
БИЕ ДААХ
Хөдөлгөөн нь бие даасан байна. Үндэсний нийгэмлэг нь өөрийн улсын төр засгийн хүмүүнлэгийн үйл ажиллагаанд нэмэлт хүч болж, улсын хууль тогтоомжид захирагдахын зэрэгцээ ямар ч үед Хөдөлгөөний зарчимд нийцсэн үйл ажиллагаа явуулж байхын тулд өөрсдийн бие даасан байдлыг ямагт хангаж байх ёстой.
САЙН ДУРЫН БАЙХ
Нийгэмлэг нь тусламж үзүүлэх зорилготой сайн дурын хөдөлгөөн бөгөөд ямар ч үед ашиг олохыг эрмэлзэх ёсгүй.
НЭГДМЭЛ БАЙХ
Аливаа улсад нэг л Улаан загалмай эсхүл Улаан хавирган сар нийгэмлэг байна. Энэ нь бүх нийтэд нээлттэй байх ба хүмүүнлэгийн үйл ажиллагааг нийт нутаг дэвсгэрийн хэмжээнд явуулна.
ТҮГЭЭМЭЛ БАЙХ
Олон улсын Улаан загалмай болон Улаан хавирган сар хөдөлгөөнд аливаа нийгэмлэг бүр тэгш эрхтэй байх ба бие биедээ харилцан туслах талаар адил үүрэг, хариуцлага хүлээдгээрээ дэлхийд түгээмэл шинжтэй байна.
34
Дунд шатны хороо
25,000
Мэргэшсэн сайн дурынхан
86,000
Өсвөрийн Улаан загалмайч
750
Хүмүүнлэгийн гишүүн байгууллага
Анхны тусламж гэдэг нь аливаа гэмтэл, бэртэл, өвчлөл, биеийн хямрал, гэнэтийн ослын улмаас
эрүүл мэндийн хүндрэл хүндрэл үүссэн хүнийг эмнэлэгт хүргэх хүртэл эсвэл эмнэлэгийн тусламж
ирэхээс өмнө цаг алдалгүй гарын доорх материалыг ашиглан өөртөө болон бусдад үзүүлэх
тусламжийг хэлнэ. МУЗН-ийн Анхны тусламжийн сургалтын төв нь олон нийт, албан байгууллага,
хувь хүмүүст Анхны тусламжийн сургалтыг тогтмол зохион байгуулж байна.
АНХНЫ ТУСЛАМЖИЙН СУРГАЛТ
ГИШҮҮНЭЭР ЭЛСЭХ
Та Монголын улаан загалмай нийгэмлэгийн 249,770 гишүүд, дэмжигчдийн нэг болсноор хүмүүнлэгийн үйлсэд хувь нэмэр оруулж, өөрийгөө хөгжүүлэх төрөл бүрийн сургалтад хамрагдаж, гамшиг ослоос урьдчилан сэргийлэх, бэлэн байдлыг хангах, эрүүл мэнд, анхны тусламж, нийгэм сэтгэл зүйн дэмжлэг үзүүлэх чадвартай болно.
ЦУСНЫ ДОНОР ХЭРХЭН БОЛОХ ВЭ?
БИДНИЙ ТҮНШҮҮД
