"Цусаа бэлэглэх өдөр" 130 гаруй хүн цусаа хандивлав
2025-11-03
Цус цусан бүтээгдэхүүний нөөцийг нэмэгдүүлэх, цусны донорын үйлсийг олон нийтэд сурталчлах, алдаршуулах, урамшуулах зорилготой “Цусаа бэлэглэх өдөр"-ийг 127 дахь удаагаа зохион байгууллаа.
Энэ удаагийн “Цусаа бэлэглэх өдөр”-ийг Монголын улаан загалмай нийгэмлэгийн Хүүхэд залуучуудын хөдөлгөөн, Цус сэлбэлт судлалын үндэсний төв, Сүхбаатар дүүргийн Улаан загалмайн хороо хамтран зохион байгуулсан юм.
Өдөрлөгийн нээлтэд Цус сэлбэлт судлалын үндэсний төвийн Чанар аюулгүй байдлын албаны дарга Э.Тунгалагтуяа, Сүхбаатар дүүргийн Улаан загалмайн хорооны дарга З.Өсөхбаяр, Монголын улаан загалмайн нийгэмлэгийн Хүүхэд залуучуудын хөдөлгөөний ахлагч М.Цэцэгсүрэн нар оролцон үг хэлэв.
Өдөрлөгийн үеэр 130 гаруй хүн цусаа хандивлаж, “Бахархал-50”, “Бахархал-30”, “Бахархал-20”, “Бахархал-10” тэмдэгийн эзэд тодорсон юм.
2025-11-03
2025-11-03
