Red cross

2025-11-13

Монголын улаан загалмай нийгэмлэгийн Эрүүл мэнд, нийгмийн хамгааллын газар “Гамшиг, онцгой байдлын үеийн нийгмийн эрүүл мэнд” сэдэвт сургалтыг 11 дүгээр сарын 12-14-ны өдрүүдэд Хүүхэд залуучуудын хөгжлийн төв зохион байгуулж байна. Сургалтад 21 аймаг, 9 дүүргийн Дунд шатны хорооны арга зүйч, сайн дурын идэвхтнүүд хамрагдаж байна.

Сургалтаар гамшиг, онцгой байдлын үеийн ус, ариун цэвэр & суурь стандарт, нийгэм сэтгэлзүйн анхны тусламж үзүүлэх, гамшиг, онцгой байдлын үеийн нийгмийн эрүүл мэнд, хамгаалал жендер, оролцоо гэсэн сэдвийн хүрээнд мэдлэг, мэдээлэл олгох юм.

Уг сургалтын гол зорилго нь гамшиг, онцгой байдлын үед нийгмийн эрүүл мэндийн тусламж, үйлчилгээний бэлэн байдлыг хангах, хүн амын эрүүл мэнд, амь насыг хамгаалах, нийгэм сэтгэлзүйн дэмжлэг үзүүлэх чадавхыг бэхжүүлэх юм.