Санамж бичигт сар бүрийн 3-ны “Цусны донорын өдөр”-ийг хамтран зохион байгуулж, цусны доноруудыг алдаршуулах, урамшуулах, цусны донорын эгнээг өргөжүүлэх сургалт, сурталчилгааг олон талт хэлбэрээр зохион байгуулах /Богино хэмжээний кино, тайзны уран бүтээл, цахим болон олон нийтийн хэвлэл мэдээлэл, сургалт/; их дээд сургууль болон аж ахуйн нэгж, байгууллагын хүрээнд 5-10 удаа цусаа бэлэглэх донорын өдөрлөг зохион байгуулахаар боллоо.

       Монголын улаан загалмай нийгэмлэг нь уг аяныг сайн дурынханд түшиглэн зохион байгуулах бөгөөд аяны хүрээнд зохион байгуулалтын баг байгуулж, санхүү болон аргачлалаар ханган шинээр Клуб-25 байгуулах, идэвхжүүлэх, цаашид тогтмол үйл ажиллагааг явуулахад нь дэмжлэг үзүүлэх юм.  

       Харин  Цус сэлбэлт судлалын үндэсний төв нь  энэхүү санамж бичгийн дагуу аяны хүрээнд зохион байгуулж буй аливаа үйл ажиллагааг өөрийн байр болон боловсон хүчин, үйл ажиллагааны холбогдох чиглэлээр дэмжиж оролцох бөгөөд төслийн аяны үр дүнг хадгалах, идэвхжүүлэх ажлыг цаашид тогтмолжуулахад анхаарч ажиллахаар боллоо.

       Хамтын ажиллагааны гуравдагч тал болох Aim4R production “The Stage” нь энэхүү санаачилгыг дэмжиж, олон нийтэд мэдээллийг бүтээлч байдлаар хүртээл болгоход бүхий л бололцоогоор ажиллах бөгөөд богино хэмжээний кино, тайзны уран бүтээл хийх болон цахим хаягийг хариуцан ажиллах юм.

       Энэ үеэр 83 удаа цусаа бэлэглэсэн О.Одбаяр, 73 удаа цусаа бэлэглэсэн Р.Чинзориг нарт хүрэл донорын өргөмжлөл гардууллаа. Мөн 10 удаа, 20 удаа цусаа өгч таарсан Э.Цогтгэрэл, Н.Дэлгэрдалай нарт Бахархлын тэмдэгээр шагнав.